Tysk målarmeister!

No har vi også fått ein ekte tysk målarmeister i trapperomet vårt. Anja Engelhaups frå Erfurt i Thüringen finsparklar og sliper veggene i trapperomet. Ho har budd i Norge i fem år, og har hatt forskjellige oppdrag for Uggedal AS. Som tysk målarmeister har ho vore innom svært mange teknikkar - ulike pussteknikkar er ein spesialitet. Ho har mellom anna vore med på å restaurere eit hus i Kongens gate i Ålesund, der ho fornya relieffa i vindusomrammingane. Det er ikkje så veldig ofte ho har fått anledning til å vere med på denne typen oppdrag, men det er ekstra spennande, seier ho. Ein må vere svært tålmodig, og så er det heile tida mykje å lære.