Ny panel - gamle pigment!

Anja er no i ferd med å legge pigment på det nye panelet i andre etasje, ved inngangen til apotekeren si leiligheit i andre etasje. Då vi reiv 80 - tals brystninga viste det seg nemleg at akkurat denne delen av trappa opphaveleg hadde hatt ei lav trebrystning. Sannsynlegvis eit tiltak for å markere at her bur herrane i huset. Dermed sette vi i gang med å lage nytt panel, med utgangspunkt i allereie eksisterande panel.

Anja brukar den finaste kaldpressa linolje tilsett pigmenta brent umbra, brent sienna, gul oker og krapplakk. Dette skal no tørke, før panelet vert lakka på same måte som dørene. Dette skal bli fint!